Veteran cüdoçularımızdan 3 qızıl medal

Azərbaycan cüdoçuları Sloveniyanın Podçetrtek şəhərində keçirilən veteranlar arasında Avropa çempionatının ikinci günündə 3 qızıl medala sahib olub.

Futbolxeber.az saytının məlumatına görə, yarışın ikinci günündə M3 yaş kateqoriyası və M4 yaş kateqoriyası üzrə 15 cüdoçumuz medallar uğrunda mübarizə aparıb.

M3 yaş kateqoriyası üzrə 81 kq çəkidə Zülfüqar Hüseynov, M4 yaş kateqoriyası üzrə 60 kq çəkidə Babək Hacıyev və 73 kq çəkidə Vüqar Budaqov qızıl medal əldə edib.

M3 yaş kateqoriyası üzrə 81 kq çəkidə Ceyhun Hüseynov və 100 kq çəkidə Ramil Muradov, M4 yaş kateqoriyası üzrə 90 kq çəkidə Mahir Ağamirzəyev və 100 kq çəkidə Emil Hüseynov 5-ci yerə çıxıb.