DÇ: Taekvondoçumuzun ilk rəqibi məlum olub

Azərbaycan taekvondoçusu Xanoğlan Kərimovun Bakıda keçirilən dünya çempionatındakı ilk rəqibi müəyyənləşib.

Futbolxeber.az saytının məlumatına görə, bu, mundialın dördüncü gününün püşkatma mərasimində bəlli olub.

63 kq çəki dərəcəsində qüvvəsini sınayacaq dünya ikincisi debüt görüşündə portuqaliyalı Alfredo Martinslə qarşılaşacaq. Döyüş 1/64 final mərhələsinə təsadüf edəcək.

İyunun 1-də, həmçinin, qadın taekvondoçular 73 kq-dan yuxarı çəki dərəcəsində mübarizə aparacaqlar.

Qeyd edək ki, dünya çempionatı iyunun 4-də yekunlaşacaq.