Kəramət Hüseynov millinin heyətindən çıxarılıb

Azərbaycan cüdo millisi Avstriyanın Linz şəhərində keçiriləcək Qran-Pridə iştirak edəcək.

 

Futbolxeber.az saytının məlumatına görə, artıq yığmamızın turnir üçün yekun heyəti məlum olub. Azərbaycan yarışda 8 kişi, 4 qadın idmançı iə təmsil olunacaq. Məşqçilər korpusu Kəramət Hüseynov (66 kq) və Aydan Vəliyevanı (52 kq) heyətdən çıxarıb.

 

Kişilərin heyətində Nazir Talıbov, Əhməd Yusifov (hər ikisi 60 kq), Kamran Süleymanov (66 kq), Rəşid Məmmədəliyev, Nurlan Osmanov (hər ikisi 73 kq), Zelim Tçkayev (81 kq), Elcan Hacıyev və Murad Fətiyev (hər ikisi 90 kq) Qran-pridə qüvvələrini sınayacaqlar. Qadınlardan isə Leyla Əliyeva, Şəfəq Həmidova (hər ikisi 48 kq), Gültac Məmmədəliyeva (52 kq) və Fidan Əlizadə (57 kq) mübarizə aparacaqlar.

 

Dah əvvəl Azərbaycan Cüdo Federasiyasının (ACF) baş katibi Rəşad Rəsullu ötən həftə bildirmişdi ki, Kəramət Hüseynov məşqlərə qatılmır, nizam-intizamla bağlı problemi var.

 

Qeyd edək ki, sözügedən Qran-Pridə ümumilikdə 75 ölkə təmsil olunacaq. Turnir 25-27 may tarixlərində baş tutacaq.