“Ferrari”nin rəhbəri: “Azarkeşlərin təzyiqində mənfi nəsə görmürəm”

“Ferrari”nin rəhbəri Frederik Vasser azarkeşlərin komandadan gözləntiləri haqda danışıb.

Futbolxeber.az saytının məlumatına görə, fransalı funksioner fanatların təzyiqinin komandaya mənfi təsir göstərməyəcəyini fikrindədi:

“Ferrari”də işləmək çətindi. Bunu etiraf edirəm. Çətin ki, başqa bir yerdə bu qədər təzyiq hiss edəsən. İnanılmaz həvəs və azarkeşlərin ehtirası - bu, həqiqətdi. 2 həftə əvvəl biz bolidləri təqdim edərkən bazanın ətrafına minlərlə insan toplaşmışdı. İnanmıram ki, dünyanın hansısa başqa bir yerində bu cür hala şahidlik edə biləsən. Azarkeşlərin marağını hər yerdə görmək mümkündü. Bəli, bu komandaya müəyən qədər təzyiq göstərir. Əsas sual da məhz budur - bu cür təzyiqin öhdəsindən gəlmək mümkün olacaqmı? Mən bunda mənfi nəsə görmürəm. Bu maraq, təzyiq motivasiya olmalıdı”.