“Fettelin qayıdışına inanmıram”

“Formula-1”in keçmiş sahibi Berni Ekklstoun Sebastyan Fettelin yenidən “Aston Martin”ə qayıtmaq ehtimalı barədə danışıb.

Futbolxeber.az saytının məlumatına görə, britaniyalı funksioner alman pilotun yenidən “Formula-1”ə geri dönəcəyinə inanmır:

 “Fettelin qayıdacağına inanmıram. O, “Formula-1”lə bitirib. Karyerası ərzində 4 dəfə dünya çempionu olub. Hazırda Sebastyanın 35 yaşı var və bundan sonra çətin ki, daha 3 dəfə dünya çempionu olsun. Digər çempionlarla mübarizə apara biləcək maşının sükanı arxasında deyilsə, “Formula-1”də qalmaq onun üçün mənasızdır. Bu, Fettel üçün 1 ilin boşa verilməsi olardı. Çünki o, uduzmağı sevmir”.

Qeyd edək ki, ötən il Fettel karyerasını başa vurub. O, 2010-2013-cü illər ərzində ardıcıl 4 dəfə dünya çempionu olub. Daha 3 dəfə dünya ikincisi, 1 dəfə isə üçüncü olub.