Medvedev: “Bublik unikal tennisçidi”

Rusiyalı Daniil Medvedev “Dubai Duty Free Tennis Championships 2023”un 1/4 finalında Aleksandr Bublikə qarşı keçirəcəyi oyun barədə danışıb.

Futbolxeber.az saytının məlumatına görə, 27 yaşlı idmançı qazaxıstanlı rəqibini unikal tennisçi adlandırıb:

“Biz 8-9 yaşından tanışıq. Bublik əla oyunçudu. Buna qədər bir neçə dəfə üz-üzə gəlmişik və bu görüşlərin hər biri çətin keçib. Onun zərbələri sadə deyil. Oyununu izləməkdən xoşum gəlir. Aleksandrın Mets keçirilən turnirin finaldakı çıxışını yaxşı xatırlayıram. Mən elə oynamazdım.  Düzdür, bəzi şərhlərdə insanlar riskli oyuna görə onu təhqir edirdilər. Amma bu, yolverilməzdi. Final olsa da, hər bir tennisçi istədiyi kimi oynamaqda azaddı. Bublik unikal tennisçidi, özünə güvənir və məhz buna görə mən ona hörmətlə yanaşıram. Bir sözlə, çox çətin matç gözləyirəm”.

Xatırladaq ki, Medvedev 1/8 finalda italiyalı Matteo Amaldiyə, Bublik isə bolqarıstanlı adaşı Lazarova qalib gəlib.