Dünya reytinqi: Alkaras zirvədə, Nadalın 912 həftəlik seriyası qırıldı

Kişi tennisçilərin yeni dünya reytinqi açıqlanıb.

Futbolxeber.az saytının məlumatına görə, Kaliforniyada növbəti titulunu qazanan Karlos Alkaras yenidən dünya reytinqinə başçılıq edir. İspan tennisçinin aktivində 7420 reytinq balı var.

Zirvədəki yerini 19 yaşlı həmkarına təhvil verən Novak Cokoviç 7160 xalla sıralamada ikincidi.

Yunanıstan təmsilçisi Stefanos Sisipas əvvəlki kimi üçüncü (5770), norveçli Kasper Rud (5560) isə dördüncü pillədə qərarlaşıb.

Kaliforniyada finalda uduzan Daniil Medvedev 1 pillə irəliləməklə beşinci pilləyə yüksəlib.

Dünya reytinqinin ilk “10-luğ”unda həmçinin Feliks Oje-Alyassim (Kanada, 3415), Andrey Rublyov (Rusiya, 3390), Holqer Rune (Danimarka, 3325), Hubert Hurkaç (Polşa, 3065) və Teylor Frits (ABŞ, 2975) yer alıb.

Rafael Nadal isə 912 həftədən sonra ilk dəfə ilk “10-luq”dan kənar qalıb. Hazırda aktivində 2715 reytinq xalı olan ispan tennisçi 13-cü pillədə qərarlaşıb.