“Tampa-Bey” tarixində bunu bacaran üçüncü hokkeyçi oldu

“Tampa-Bey”in hücumçusu Nikita Kuçerov Milli Hokkey Liqasında (NHL) üçüncü dəfə mövsüm ərzində 90 xal həddinə çatıb.

Futbolxebr.az saytının məlumatına görə, rusiyalı hokkeyçi “Filadelfiya”nı 5:2 hesabı ilə məğlub etdikləri görüşü 3 xalla (2+1) başa vurub.

Kuçerov cari mövsüm 64 göeüşdə 91 xal (25+66) yığıb.

Bununla da, o, “Tampa-Bey”in tarixində ən azı 3 mövsümdə 90 xal həddinə çatan üçüncü hokkeyçidi.

Buna qədər Stiven Steçkos 5 dəfə, Marten Sen-Lui isə 4 dəfə mövsümü minimum 90 xalla başa vurub.

Qeyd edək ki, Kuçerov 2017/18 mövsümünü 100 (39+61), 2018/19 mövsümün isə 128 xalla (41+87) yekunlaşdırıb.