Amerikalılar arasında ikinci pilləyə yüksəldi

Milli Hokkey Liqasının (NHL) növbəti turu çərçivəsində “Çikaqo”nun hücumçusu Patrik Keyn “Toronto”ya qarşı matçda 4 xal toplayıb.

Futbolxeber.az saytının məlumatına görə, 5:3 hesabı ilə qalib gəldikləri matçda 34 yaşlı hokkeyçi 3 dəfə rəqib qapısına yol tapıb, 1 dəfə isə məhsuldar ötürmə müəllifi olub.

Bununla da “Çikaqo”nun hücumçusu karyerası ərzində 104-cü dəfə bir matçda 3-dən artıq xal toplayıb.  

Bu nəticə ilə Mayk Modanı geridə qoyan Keyn NHL-də bir oyunda 3-dən artıq xal toplayan amerikalı hokkeyçilər arasında ikinci pilləyə yüksəlib.

Rekord isə Pet Lafontenə məxsusdu (116).