"Teymur Rəcəbovun günü deyildi"

ABŞ şahmatçısı Uesli So Çempionlar Turunun "Opera Euro Rapid" adlanan 3-cü mərhələsinin yarımfinalında millimizin üzvü Teymur Rəcəbova qalib gəlməsini şərh edib.

Futbolxeber.az saytının məlumatına görə, o deyib: "Bu gün (dünən - red.) rəqibimin günü deyildi. Oyuna başlayanda onun favorit, bir qədər üstün olduğunu düşünürdüm. Teymur əla şahmatçıdır. Açıq deyə bilərəm ki, bu mərhələdə onda nələrsə düz getmədi".

Qeyd edək ki, yarımfinalda uduzan Teymur Rəcəbov bu gün və sabah fransalı Maksim Vaşye-Laqravla 3-cü yer uğrunda görüşlər keçirəcək. So isə finalda Maqnus Karlsenlə (Norveç) qarşılaşacaq.