Millimiz Niderlanda uduzdu

Qadın voleybolçular arasında Avropa Olimpiya Təsnifat Turnirinə start verilib.

Futbolxeber.az saytının məlumatına görə, Tokio-2020 Yay Olimpiya Oyunlarında Avropanı təmsil edəcək sonuncu komanda adına namizəd olan 8 yığma lisenziyanın sahibini müəyyənləşdirəcək.

Niderlandın Apeldorn şəhərində təşkil olunan yarışda Azərbaycan yığması da mübarizə aparır.

A qrupunda yer alan voleybolçular ilk görüşdə meydan sahibləri ilə üz-üzə gəliblər. Matç meydan sahiblərinin 3:0 hesablı qələbəsi ilə yekunlaşıb.

Qrupun digər oyununda Polşa Bolqarıstanı məğlub edib - 3:1.

Qeyd edək ki, millimiz ikinci görüşündə yanvarın 9-da Bolqarıstanla üz-üzə gələcək. Yarıminal şansını davam etdirmək üçün yığmamız mütləq bilqarlara qalib gəlməlidir. 

Reqlamentə əsasən, qrupda ilk iki yeri tutacaq komandalar yarımfinala yüksələcəklər. Burada çarpaz olaraq üz-üzə gələcək yığmalar ardınca finalçını müəyyənləşdirəcəklər. Həlledici görüşdə isə Tokio-2020 Yay Olimpiya Oyunlarında Avropanı təmsil edəcək sonuncu komandanın adı dəqiqləşəcək.

7 yanvar

Azərbaycan - Niderland 0:3 (23:25; 18:25; 22:25)

Apeldorn. "Omnisport" salonu

Azərbaycan millisinin heyəti: 14. Kristina Yaqubova, 18. Şəfaqət Alışanova, 6. Ayşən Abduləzimova, 21. Kseniya Pavlenko, 22. Mariya Kirilyuk, 3. Anastasiya Qurbanova, 4. Nelli Salbişvili, 8. Yelizaveta Səmədova, 10. Nikalina Başnakova, 17. Polina Rəhimova, 20. Marqarita Əzizova, 16. Yuliya Kərimova, 19. Bəyaz Alıyeva.