3 Aprel 2025, Cümə axşamı
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi
“Neftçi”, sabaha saxlama!

Digər idman növləri

Azad Rəhimov: "Azərbaycanda idmançıların hüquqları hərtərəfli müdafiə olunur"

“Azərbaycanda idman sahəsində korrupsiya anlayışı yoxdur”.
 
Futbolxeber.az saytının məlumatına görə, bunu Tbilisidə Avropa Şurası İdman Nazirlərinin 15-ci konfransında iştirak edən Azərbaycanın gənclər və idman naziri Azad Rəhimov jurnalistlərə açıqlamasında bildirib.
 
Nazir qeyd edib ki, toplantıda müzakirə olunan məsələlərin Azərbaycana bir o qədər də aidiyyatı yoxdur: “Konfransda idmanda insan haqlarının qorunması və korrupsiyaya qarşı mübarizə məsələlərinə baxılır. Azərbaycanda idmançıların hüquqları hərtərəfli müdafiə olunur. Ölkəmizdə idmanda korrupsiya anlayışı da yoxdur. Amma biz konfrans çərçivəsində müzakirələrə qatılmağa hazırıq. Belə ki, hər bir müzakirə idmanın gələcəyinə və bu sahədəki proseslərin inkişafına böyük təkan verir”.
 
Azad Rəhimov deyib ki, Avropa Şurasının İdman Nazirlərinin idmanda korrupsiya və danışılmış oyunlarla bağlı ilk konfransı 10 il bundan öncə Bakıda keçirilib: “Çox şadıq ki, Avropa Şurasının bu platforması məhz Bakıdan başlayıb. Azərbaycan Avropa Şurasının idmanla bağlı üç konvensiyasına qoşulub. Bunlardan da ən əsası EPAS-dır (Avropa Şurasının İdman üzrə Genişləndirilmiş Hissəvi Sazişi). Beş ölkə arasında Azərbaycan bu sənədə qoşulan birinci ölkə olub”.
 
Avropa Şurası İdman Nazirlərinin 15-ci konfransının açılış mərasimində Avropa Şurası Baş katibinin müavini Qabriella Battaini-Draqoni, Gürcüstanın Baş naziri Mamuka Baxtadze, təhsil, elm, mədəniyyət və idman naziri Mixeil Batiaşvili və digər rəsmi şəxslər çıxış ediblər.
 
Toplantının yekununda Tbilisi bəyannaməsi və idman sahəsində korrupsiyaya qarşı mübarizə, idmanda insan haqlarının qorunmasına dair iki qətnamənin qəbul olunması nəzərdə tutulub. (Report)







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30