IX “Baku Open”dən öncə Rafael Ağayev seminar təşkil edəcək

28-30 sentyabr tarixlərində ənənəvi "Baku Open" beynəlxalq karate turniri keçiriləcək.

Futbolxeber.az saytına Azərbaycan Karate Federasiyasının Media və İctimaiyyətlə İşlər katibi Sənan Məhərrəmovun verdiyi məlumata görə, 9-cu dəfə təşkil edilən yarış keçmiş Sovet Sosialist respublikaları İttifaqında karatenin yaranmasının 40 illik yubileyinə həsr olunur. Turnirə keçmiş SSRİ-nin müxtəlif respublikalarından tanınmış veteran karate ustaları həm dəvət olunacaq, həm də iştirak edəcəklər.

Bakı idman sarayında yarışda uşaqlar, yeniyetmələr, gənclər, böyüklər və veteranlar mübarizə aparacaq. Təntənəli açılış mərasimi 29 sentyabr saat 17:00-da başlanacaq.

SSRİ-də karatenini yaranmasının 40 illik yubileyinə həsr olunmuş 9-cu beynəlxalq "Baku Open" turnirindən bir gün əvvəl, 27 sentyabrda beş qat dünya və on iki dəfə avropa çempionu, dünyanın ən titullu karteçisi Rafael Ağayevin seminarı təşkil ediləcək.

Seminar Bakı İdman Sarayında, saat 18:00-da başlanacaq.