Kamran Şahsuvarlı: “Pul yox, qızıl medal haqda düşünürəm”

“Özümü yaxşı hiss edirəm. Yarımfinal döyüşüm o qədər də pis getmədi. Əsas odur ki, qələbə qazandım. Rəqibim bir az çətin rəqib idi”.

Futbolxeber.az saytına açıqlamasında bu sözləri Bakı-2017 IV İslam Həmrəyliyi Oyunlarında 75 kq çəkidə finala yüksələn boksçumuz Kamran Şahsuvarlı deyib.

Şahsuvarlı finalda bütün gücünü ortaya qoyacağını bildirib:

“Sabah son döyüşümdü. Finalda bütün gücümü ortaya qoyacağam. Pul mükafatını fikirləşmirəm, əsas qızıl medal qazanmaqdı. Bunun üçün də əlimdən gələni edəcəyəm”.

Təcrübəli boksçu azarkeşlərə səslənib:

“Bütün azarkeşləri sabah keçiriləcək final döyüşünə dəvət edirəm. Çox istərdim ki, gəlib, dəstək olsunlar. Çünki azarkeş dəstəyi bizə əlavə güc verir”.

Söhbətləşdi: FƏRƏC