Azad Rəhimov: “Şahmat olimpiadasının Bakıda keçirilməsi çox müsbət haldır”

“42-ci Şahmat Olimpiadasında həm kişilərdən, həm də qadınlardan ibarət milli komandamıza ümidlər böyükdür. Biz onlara inanırıq”. Futbolxeber.az saytının məlumatına görə, bu sözləri gənclər və idman naziri Azad Rəhimov deyib.

Bakıda keçiriləcək 42-ci Ümumdünya Şahmat Olimpiadasına həsr olunmuş mətbuat konfransında çıxış edən Rəhimov bu yarışın ölkəmizdə keçirilməsini çox müsbət hal kimi dəyərləndirib: “Şahmat olimpiadasının Bakıda keçirilməsi çox müsbət haldır. Buna qədər bir neçə olimpiada iştirak etmişəm. Düşünürəm ki, Bakıda keçiriləcək olimpiada təşkilinə görə bütün yarışları üstələyəcək. Olimpiadanın ölkəmizdə keçirilməsini çox yüksək qiymətləndirirəm. Şahmat yüksək intelektli idmançıların mübarizəsidir. Son illər Azərbaycan idmanındakı inkişaf göz önündədir. Bunda şahmatın da xüsusi yeri var”.