“Bakı-2015”: Qılıncoynadanlarımız 1/4 finalda dayandı

Bu gün Bakı-2015 I Avropa Oyunlarında qılıncoynatmada komanda yarışlarına start verilib. Futbolxeber.az-ın məlumatına görə, qadınlar rapira və sablyada, kişilər şpaqada qüvvəsini sınayır.

Azərbaycan bu yarışlarda iki komanda ilə təmsil olunub. Sablyaçı qadınlardan ibarət yığmamız 1/4 finalda Rusiya ilə görüşüb. Millimiz bu matçda 19:45 hesabı ilə uduzaraq, yarımfinala yüksələ bilməyib.

Kişi şpaqaçılar da yarımfinala yüksələ bilməyərək, 1/4 finalda dayanıb. Rusiya ilə üz-üzə gələn komandamız 18:45 hesabı uduzub.

Yarımfinala yüksələ bilməyən yığmalarımı 5-ci yer uğrunda matçda qüvvəsini sınayıb. Hər iki komandamız Macarıstanla görüşüb. Kişilər 19:45, qadınlar isə 25:45 hesabı ilə uduzub. Bu məğlubiyyətlərin nəticəsində hər iki yığmamız 6 komanda arasında 6-cı yeri tutub (apasport.az).