“Bakı-2015”: 11 boksçumuz yarımfinalda

Bakı-2015 Avropa Oyunlarında boks yarışları davam edir. Futbolxeber.az-ın məlumatına görə, günün ikinci yarısında daha 3 boksçumuz adını yarımfinala yazdırıb.

64 kq çəki dərəcəsndə ölkəmizi təmsil edən Lorenzo Sotomayor 1/4 finalda rumınyalı Daniel Nikuleskuya qalib gəlib - 3:0 (29:28; 29:28; 30:27). Yarımfinalda Sotomayor bu mərhələdə Viktor Petrovu (Ukrayna) sınağa çəkəcək. Qarşılaşma iyunun 25-də saat 14:15 start götürəcək.

69 kq-da Pərviz Bağırov lmaniyalı Abass Baraunu 3:0 (30:27, 30:27, 30:27) hesabı ilə üstələyib. Boksçumuz finala gedən yolda böyük britaniyalı Coş Kelli ilə üz-üzə gələcək. Qarşılaşma iyunun 26-da saat 13:45-də başlayacaq.

91 kq çəkidə mübarizə aparan Abdulqadir Abdullayev 1/4 finalda fransız Pol Bionqolo Ombanı mübarizədən kənarlaşdırıb. Hər 3 raundda (30:27; 30:27; 30:27) rəqibindən üstün olan təmsilçimiz yarımfinalda rusiyalı Sadam Maqomedovla döyüşəcək. Görüş iyunun 26-da 14:30-da keçiriləcək.