Çempionumuz: “Azərbaycanı təmsil etdiyim üçün peşmanlıq hissi keçirməmişəm”

“Bakı-2015”də Azərbaycana növbəti qızıl medalı qazandıran Mariya Stadnik təltifetmə mərasimindən sonra keçirdiyi hissləri açıqlayıb. Futbolxeber.az-ın məlumatına görə, xanım güləşçimiz deyib: “Mən heç vaxt özümü bu qədər xoşbəxt sanmamışam, bu qədər fəxr etməmişəm. Açılış Mərasimində bayraqdar olmaq və daha sonra qızıl medal qazanmaq - bunu sözlə ifadə etmək mümkün deyil”.

Stadnik qeyd edib ki, yarış vaxtl ab-hava möhtəşəm olub: "Bir an da olsa belə, Azərbaycanı təmsil etdiyim üçün peşmanlıq hissi keçirməmişəm. Qələbəni mahnı oxumaqla və rəqs edərək qeyd edəcəyəm” (baku2015.com).