Millimizin velosipedçisi “Grand Prix Minsk” turnirində qızıl medal qazanıb

Belarusda velosiped idmanının trek növü üzrə birinci kateqoriyalı “Grand Prix Minsk” turniri davam edir. Futbolxeber.az-ın məlumatına görə, yarışın ilk günü Azərbaycan yığma komandası üçün uğurlu olub. Millimizin lideri Olqa İsmayılova 500 metr məsafəyə sprint yarışında 34.713 saniyə göstərici ilə bütün rəqiblərini qabaqlamaqla fəxri kürsünün ilk pilləsinə qalxıb. O, bununla da aktivinə 80 reytinq balı yazdırıb.

İkinci və üçüncü yerləri isə Rusiya idmançıları Yelena Brejneva və Yekaterina Qnidenko tutublar.

Komandamızın digər üzvü, ağır zədədən sonra yenidən mübarizəyə qoşulan Sergey Omelçenko isə 200 metr məsafəyə sprint yarışında 28 idmançı arasında 10-cu olub. O, bu nəticə ilə 2015-ci ildəki şəxsi rekordunu yeniləyib.