"Avropa Oyunları Azərbaycan üçün böyük irəliləyişdir"

Avropa Oyunları Azərbaycan üçün böyük irəliləyişdir. Bu, öz imkanlarını, inkişafını, yaradılmış idman qurğularını dünyaya göstərmək üçün bir fürsətdir. Futbolxeber.az-ın “Azərtac”a istinadən verdiyi məlumata görə, bu sözləri Polşada press-turda iştirak edən azərbaycanlı jurnalistlərə Krakov şəhəri merinin idman məsələləri üzrə müşaviri Yanuş Kozel söyləyib.

O deyib: ”Bakı–2015” Avropa Oyunları Azərbaycana öz tarixini, mədəniyyətini, imkanlarını və milli mətbəxini nümayiş etdirməyə də gözəl imkan yaradır”. Bakıda olduğunu xatırladan Y.Kozel bildirib ki, Azərbaycan mətbəxinə heyrandır. Meriya nümayəndəsinin fikrincə, idman oyunları insanların, xüsusən də gənclərin, ölkələrin yaxınlaşması, biznes strukturları ilə əlaqələr yaradılması üçün yaxşı vasitədir.

Meriya nümayəndəsi Krakovun idman həyatından, şəhərdə nəzərdə tutulan yarışlardan, o cümlədən 2017-ci ilin may ayında keçiriləcək gənclər arasında futbol üzrə Avropa çempionatından söz açıb.