FİDE-nin yeni reytinq cədvəli açıqlandı

FİDE şahmatçıların yeni reytinq cədvəlini açıqlayıb.Futbolxeber.az-ın məlumatına görə, ən güclü 100 qrossmeyster arasında 3 təmsilçimiz var. Hazırda şahmatçılarımız arasında ən yaxşı göstərici Teymur Rəcəbova məxsusdur. Rəcəbov sıralamada 21-cidir. Ötən ayla müqayisədə geriləyən Şəhriyar Məmmədyarov 23-cü yeri tutur. Rauf Məmmədov isə reytinqdə 94-cüdür.

Dünya reytinqinə əvvəlki kimi Maqnus Karlsen başçılıq edir. Vişvatan Anand ikinci olduğu halda, ilk “üçlüy”ü Fabiano Karuana qapayır.

Şahmatın rapid və blits növləri üzrə də reytinq cədvəli açıqlanıb. Burada 4 idmançımız "yüzlük"də yer alıb. Rapid növündə Şəhriyar Məmmədyarov 12-ci, Teymur Rəcəbov 21-ci, Qədir Hüseynov 37-ci, Rauf Məmmədov 56-cıdır. Reytinqə ABŞ-ı təmsil edən Hikaru Nakamura başçılıq edir. Karlsen ikinci, Aleksandr Qrişuk isə üçüncüdür.

Blitsdə isə Teymur Rəcəbov 9-cu, Rauf Məmmədov 15-ci, Şəhriyar Məmmədyarov 24-cü,  Qədir Hüseynov isə 74-cüdür.