Azərbaycan çempionatında dava düşdü

Qadın voleybolçular arasında Azərbaycan Super Liqasında XIV turun oyunları keçirilib. Futbolxeber.az-ın Sportpress.az-a istinadən verdiyi məlumata görə, Voleybol mərkəzində baş tutan “Lokomotiv” - “Rabitə” matçında dava düşüb. Qalmaqal oyunun əvvəlində start götürüb. Hər iki komanda arasında yaşanan insident ikinci hissədən sonra əlbəyaxa davaya çevrilib. Yalnız asayiş keşikçilərinin müdaxiləsindən sonra insident yatırılıb. Nominal ev sahibi olan “Lokomotiv” rəhbərliyi də azarkeşləri sakitləşdirməyə çalışıb. Amma yaşananlar “Lokomotiv” fanatlarının ürəyincə olmayıb. Nətiəcədə komandanın 200-ə yaxın azarkeşi ikinci set başa çatdıqdan sonra arenanı tərk edib.

Qeyd edək ki, oyun “Rabitə”nin 3:0-lıq qələbəsi ilə tamamlanıb.