23 May 2024, Cümə axşamı
Avroliqanı "Atalanta" qazandı
I Liqada çempion məlum oldu
II Liqanın bombardiri mükafatlandırıldı
II Liqada mövsümə yekun vuruldu

Minifutbol

Orxan Məmmədov: “Bu, minifutbolun inkişafı üçün böyük töhfədir”

Azərbaycan Minifutbol Federasiyasının prezidenti Orxan Məmmədov ölkə çempionatının finalından sonra jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- Yekunlaşan cari mövsümü necə dəyərləndirirsiniz?

- Mövsüm uğurlu keçdi. "Birbaşa Bakı" yenidən çempion oldu. Onları təbrik edirəm. Gərgin mübarizə izlədik. Final da çox gərgin keçdi. "Aznur" yeni bir komandadır və finala qədər irəlilədi. Bu, həm də çempionatımızın dəyişməsini göstərir. Yeni komandalar, oyunçular, sponsorlar cəlb olunur. Fikrimcə, bu, minifutbolun inkişafı üçün böyük töhfədir. Həm "Aznur", həm də üçüncü yer tutan "Real Bakı" çempionatımıza damğa vurdu.

- Növbəti mövsüm üçün komanda sayının artırılması nəzərdə tutulub?

- Məqsədimiz daha çox kütləviliyi təmin etməkdir. Komanda sayı ilə bağlı dəyişiklik olmayacaq. Yeni oyunçuların, yeni sponsorların cəlb olunması bizim üçün bir nömrəli məqsəddir. Komandalarda peşəkarlığın daha da artırılması əsas məsələlərimizdən biridir.

- Regional Liqaların keçirilməsi mümkündür?

- Bəli, kütləviliyi artırmaq üçün regionları yaddan çıxarmamalıyıq. Minifutbol ölkəmizin hər yerində oynanılır. Nəinki regional, hətta qadınlar arasında minifutbol liqasını yaratmağı fikirləşirik. Hesab edirəm ki, növbəti hədəflərimizdən biri məhz bu olacaq.

- İyunun 1-9-u aralığında milli komandamız Avropa çempionatında qüvvəsini sınayacaq. Komandamızın qarşısına hansı hədəf qoyulub?

- Milli komandamız çempionatın favoritlərdən biridir. Biz son Avropa çempionuyuq və dünya çempionatında da dördüncü olmuşuq. Bunu nəzərə alsaq, məqsədimiz yalnız çempionluqdur. Birinci növbədə çempionluq titulumuzu qorumağa çalışacağıq. Bu ay keçirilən beynəlxalq turnirdə millimiz son dünya çempionu Rumıniyaya qalib gəldi. Bu da onu göstərir ki, uşaqların məqsədi çox ciddidir. Həm media nümayəndələri, həm də biz onları daha da ruhlandırmalıyıq. Millimiz gələn ay keçiriləcək yarışa tam hazırdır. Bir neçə gün sonra heyət elan olunacaq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31