“Aznur” və “Birbaşa Bakı” finalda

Minifutbol üzrə Azərbaycan çempionatında yarımfinal mərhələsinin cavab oyunları keçirilib.

Futbolxeber.az saytının məlumatına görə, günün ilk matçında “Aznur” və “Real Bakı” üz-üzə gəlib. Bu komandaların ilk görüşündə qalib müəyyənləşməmişdi (2:2). Cavab matçında inamlı təsir bağışlayan “Aznur” 6:2 hesablı qələbə qazanmaqla (ümumi nəticə 8:4) finala yüksəlib.

İkinci yarımfinal oyununda “Birbaşa Bakı” “Odlar Yurdu”nu sınağa çəkib. İlk görüşdə 2:0 hesablı qələbəyə sevinənə son çempion cavab matçında da meydanı qalib kimi tərk edib - 6:3 (ümumi nəticə 8:3).  

Beləliklə, mayın 14-də keçiriləcək finalda son çempion “Birbaşa Bakı” “Aznur”la üz-üzə gələcək. Bürünc medalın sahibi isə “Real Bakı” - “Odlar Yurdu” matçından sonra məlum olacaq.