UEFA-dan “Mölde” ilə oyun barədə açıqlama: “Qarabağdakı vəziyyəti izləyirik”

UEFA sabah Avropa Liqasının ilk turu çərçivəsində Bakıda keçiriləcək “Qarabağ” - “Mölde” oyunu ilə bağlı vəziyyəti ilə izləyir.

Futbolxeber.az saytının məlumatına görə, bu barədə TASS-a qitə futbol qurumunun mətbuat xidmətindən açıqlama verilib.

“UEFA vəziyyəti izləyir və oyunu qəbul edəcək ölkə ilə kontaktdadı. İndiki məqamda başqa bir şərh verə bilmərik”, - deyə UEFA-nın açıqlamasında deyilir.

Qeyd edək ki, sabah keçiriləcək “Qarabağ” - “Mölde” görüşü 20:45-də start götürəcək.

TASS-da yer alan xəbərdə o da qeyd olunur ki, sentyabrın 19-da Azərbaycan Ordusu Qarabağda lokal xarakterli antiterror tədbirinə start verib.

Əlavə edək ki, lokal xarakterli antiterror tədbiri artıq separatçıların təslim olması ilə yekunlaşıb. Bu səbəbdən də UEFA “Qarabağ” - “Mölde” matçı ilə bağlı hər hansı bir xüsusi qərar qəbul etməyəcək.