“Neftçi Esports” bu mövsüm ilk oyununu keçirib

“Neftçi Esports” E-Milli Liqada bu mövsüm ilk oyununu keçirib. “Nebula” ilə görüş rəqibin xeyrinə başa çatıb - 8:6 (2:2, 6:4).

Futbolxeber.az saytının məlumatına görə, heyətində Murad Məmmədzadə, Nadir Həsənov və Kənan Babazadənin olduğu “Neftçi Esports”un A qrupundakı digər rəqibləri “Zirə” və “Ərkivan Masallı” komandalarıdır.

Qeyd edək ki, 7 qrupdan ibarət olan turnirdə 28 komanda iştirak edir. Qrupda ilk iki yeri tutanlarla yanaşı, ən yaxşı 3-cü olan iki komanda əsas mərhələyə vəsiqə qazanacaq. Əsas mərhələdə turnir Olimpiya sistemi ilə davam edəcək.