Sralidze: “Əcnəbilər “Atletiko”nun formasındakı yazıya görə Azərbaycanla maraqlanırdılar”

Tanınmış idman eksperti, prodüser, “Vesti FM” radiosunun aparıcısı Georgi Saralidze Tiflisdə keçirilən Cənubi Qafqaz media forumunda Azərbaycanda idmana qoyulan sərmayələrdən danışıb.

Futbolxeber.az saytının haqqın.az-a istinadən verdiyi məlumata görə, Saralidze bir neçə il əvvəl “Bakı” futbol klubunun Madrid “Atletiko”su ilə əməkdaşlığını ölkəmizin imici baxımından çox müsbət dəyərləndirib:

“Mən dəfələrlə Bakıda olmuşam. Onların təşkilatçılıqları möhtəşəmdir. Avropa Oyunları, bu yaxınlarda keçirilən Formula 1 Bakı Qran Prisi və s.

Bir vaxtlar “Atletiko” üzərində “Azerbaijan” (Land of Azerbaijan” - red.) yazılmış forma ilə oynayarkən Çempionlar Liqasının finalına yüksəldi. Əcnəbilər məndən soruşurdular ki, bu nədir? Onlar Azərbaycan kimi ölkə ilə çox ciddi şəkildə maraqlanırdılar”.

Ekspert bildirib ki, Azərbaycanın imici baxımıdan idman ən düzgün yatırım edilməli sahəsdir.