Rus gözəlçə “Real”ın ulduzunu yola gətirməlidi

“Zenit” “Real”ın yarımmüdafiəçisi Xames Rodrigesi transfer etmək istəyir.

Futbolxeber.az saytının “Calcionews24”ə istinadən verdiyi məlumata görə, Sankt-Peterburq klubunun nümayəndələri kolumbiyalı futbolçunu rus gözəlçə, model Olqa Korobıçinanın köməyi ilə yola gətirməyə çalışırlar.

Belə ki, ötən ildən 24 yaşlı modelin Xameslə sevgili olduğu barədə xəbərlər səngimir. Korobıçina özü ötən ilin aprelində bəyan etmişdi ki, “Real”ın futbolçusu sosial şəbəkələrdən birində onu taparaq eşq elan edib.

Qeyd edək ki, “Real” Xameslə 70 milyon avro qarşılığında vidalaşmağa hazırdır. Kolumbiyalının xidmətində “Çelsi”, “Liverpul”, PSJ və “İnter” də maraqlıdı.