Messi: “Dünyanın hər yerindən olan insanlarla “playstation” oynayıram"

“Barselona” və Argentina millisinin futbolçusu Leonel Messi maraqlı açıqlama verib. Futbolxeber.az xəbər verir ki, ətrafında pis niyyətli insanların olduğunu etiraf edən Messi, onları vecinə də almadığını söyləyib: “Əhatəmdə mənim daha da irəli getməyimi istəyən kəslərlə yanaşı, qısqanclıqdan mənə badalaq gəlməyə çalışan insanlar da az deyil. Mənsə belələrini vecimə də almıram. Bekar vaxtlarımda internet vasitəsiylə dünyanın hər yerində yaşayan insanlarla “playstation” oynayıram. Lakin mənim kim olduğumu və ya kimlə oynadıqlarını bilmirlər. Hətta hesabda irəli olduğum zaman arxada ötürmələr edib, vaxtı uzatmaqla onları əsbləşdirdiyimi də etiraf edirəm”. 

Messi ən çox sevdiyin idmançılar kimdi sualına cavab olaraq, Kobe Braynt, Federer, Nadal, Cokoviç və Del Patronun adını çəkərək, onların hər birini “canavar” adlandırıb.