Kiprdə hakimin maşını partladı, çempionatın oyunları təxirə salındı

Kipr Futbol Assosiasiyası həftə sonu baş tutmalı olan ölkə çempionatının oyunlarını təxirə salıb. Futbolxeber.az-ın məlumatına görə, Leontios Trattosun sahibi olduğu avtomobilin partlaması buna səbəb olub.

Xoşagəlməz olay dünən Nikosiya şəhərində baş verib. Səhər saatlarında avtomobilin qabaq hissəsinə yerləşdirilmiş partlayıcı maşını havaya uçurdub. Xoşbəxtlikdən hadisə zamanı maşının yanında heç kim olmayıb. Yalnız hakimin maşınından əlavə, başqa bir avtomobilə də ciddi zərər dəyib. Polis hazıra insidenti araşdırır.