Millimiz Avropa çempionatına qələbə ilə başladı və 1/4 finala yüksəldi

Futzal üzrə Azərbaycan millisi Sloveniyada keçirilən Avropa çempionatında ilk oyununa çıxıb.

Futbolxeber.az saytının məlumatına görə, millimiz Fransa ilə üz-üzə gəlib.

Bu görüşdə millimizi ancaq qələbə qane edirdi. Çünki rəqib ilk görüşündə İspaniya ilə heç-heçə oynamışdı - 4:4.

Gərgin mübarizə şəraitində keçən görüş millimizin xeyrinə tamamlanıb. 5:3 hesablı qələbə qazanan Joze Alesionun komandası həm qitə birinciliyinə 3 xalla start verib, həm də qrupdakı son oyunun nəticəsindən asılı olmayaraq 1/4 finala vəsiqə qazanıb.

Hazırda hesabında 3 xalı olan Azərbaycan yığması qrup lideridir. Növbəti - İspaniya ilə görüşdə heç-heçə belə Azərbaycan millisini qrup qalibi edəcək.

Fransa - Azərbaycan 3:5

Qollar: Bolinha, 2:26 (0:1), N`Gala, 6:59 (1:1), A.Mohammed, 20:05 (2:1), Bolinha, 22:02 (2:2); 23:30 (2:3), Everton Kardoso, 28:56 (2:4), Eduardo, 37:09 (2:5), Mouhoudine, 39:33 (3:5)

Ehtiyat oyunçular: 12. Ba El Maarouf Kerroumi, 16. Joevin Durot, 2. Sid Belhaj, 5. Boulaye Ba, 7. Michaël De Sa Andrade, 11. Magana Landry N'Gala, 14. Samir Alla, 18. Samba Kebe, 19. Adrien Gasmi

AZƏRBAYCAN: 12. Rövşən Hüseynli, 3. Bolinha, 5. Fineo, 6. Eduardo, 13. Everton Cardoso

Ehtiyat oyunçular: 1. Emin Kürdov, 2. Samir Həmzəyev, 4. İsa Atayev, 7. Ramiz Çovdarov, 8. Rizvan Fərzəliyev (k), 10. Vassoura, 11. Xətai Bağırov, 14. Vitali Borisov, 18. Namiq Məmmədkərimov