Zəfər Kubokunda yarımfinalçılar müəyyənləşdi

İdman Araşdırmalar Mərkəzinin və Etopaz-ın 10 illik yubileyi münasibətilə jurnalistlər arasında mini-futbol üzrə Zəfər Kubokunda bu gün qrup mərhələsinin son görüşləri keçirilib.

Futbolxeber.az saytının məlumatına görə, Bakı Olimpiya Stadionunun qapalı meydançasında III turun 4 qarşılaşması oynanılıb. Bu görüşlərdən sonra yarımfinalçılar müəyyənləşib.

Mayın 28-də keçiriləcək yarımfinal oyunlarında "Xocavənd" "Qubadlı" ilə, "Ağdam" "Suqovuşan"la görüşəcək.

"Təşkilatçılara belə yarış keçirdikləri üçün minnətdarlığımı bildirirəm. Artıq ikinci ildir ki, bu turnir təşkil olunur".

Bunu gənclər və idman naziri Fərid Qayıbov Zəfər Kuboku barədə danışarkən deyib.

B qrupunda "Suqovuşan" və "Xocalı" komandaları arasındakı matçı izləyən nazir turnirin futbolun təbliğatı baxımından önəmli olduğunu bildirib: "Çünki burada idman jurnalistlərimiz oynayırlar və digər təşkilatlara yaxşı nümunə olurlar. Sizə həmişə idmanda olmağınızı arzu edirəm".

Daha sonra F.Qayıbov İdman Araşdırılmalar Mərkəzi tərəfindən 2021/22 mövsümünün ən yaxşı futbolçusu seçilən Kadi Borgesə ("Qarabağ") mükafat təqdim edib. 

Qeyd edək ki, Zəfər Kuboku Azərbaycanın ilk onlayn qanuni mərc saytı Etopaz-ın baş sponsorluğu ilə gerçəkləşir.