"Keşlə" baş məşqçi dəyişikliyi

"Keşlə" baş məşqçini dəyişir. Klubdan Futbolxeber.az saytına bildirilib ki, ukraynalı mütəxəssis Yuri Maksimov mövsümün sonuna qədər komandanı çalışdıracaq.

Buna qədər baş məşqçi kimi fəaliyyət göstərən Ramiz Məmmədov isə əvvəlki - əvəzedicilərlə iş üzrə koordinator vəzifəsinə qaytarılacaq.

49 yaşlı Y.Maksimovla gələn həftə müqavilə imzalanacağı gözlənilir. Ukraynalı mütəxəssisin qarşısına Avropa Liqasına vəsiqə qazanmaq tapşırığı qoyulacaq.

Qeyd edək ki, Y.Maksimov müxtəlif vaxtlarda "Dinamo" (Minsk), Ukraynanın ÇSKA, "Obolon", "Krivbass", "Metallurq" (Donetsk), Rusiyanın "Mordoviya" komandalarını çalışdırıb. Onun son iş yeri Qazaxıstan "Taraz" komandası olub.