“Xəzər Lənkəran” növbəti yubiley müsabiqəsinə start verdi

“Xəzər Lənkəran” Futbol Klubunun 10 illik yubileyi ilə əlaqədar İdman Araşdırmalar Mərkəzi klubla birgə yeni bir lahiyəyə start verib. Futbolxeber.az-ın klubun rəsmi saytına istinadən verdiyi məlumata görə, İAM klubla birgə “ Xəzər Lənkəran” futbol klubunun tarixi və inkişaf perspektivləri” mövzusunda yazı müsabiqəsini aşağıdakı formada  elan edib:

Müsabiqənin şərtləri:

1. Yazı elan edilmiş mövzuya uyğun olmalıdır (Elan olunmuş mövzunun sərlövhəsinin dəyişdirilməsinə yol verilmir);

2. Müsabiqəyə hər jurnalist yalnız bir yazı təqdim edə bilər;

3. Yazı qəzetlərdə və ya saytlarda dərc edilməlidir;

4. Yazıda “İdman Araşdırmalar Mərkəzinin “Xəzər Lənkəran” futbol klubunun 10 illik yubileyi münasibətilə elan etdiyi müsabiqəyə təqdim etmək üçün” qeydi göstərilməlidir;

5. Yazının dərc olunduğu mətbu orqan (qəzetdirsə 1 nüsxə, saytdırsa, linki), A4 formatda çap (3 nüsxə - müəllifin imzası göstərilməməlidir) variantları İAM-ın Ekspert və Qiymətləndirmə Qrupuna təqdim olunmalıdır;

6. Yazılar A3 formatda 1 səhifədən (9 - 11 min işarə) çox olmamalıdır.

7. İAM-ın Ekspert və Qiymətləndirmə Qrupuna yazıların son təqdim edilmə tarixi 30 aprel 2014-cü ildir.

Qiymətləndirmə meyarları:

- mövzunun əhatə olunması, jurnalist araşdırması, əsaslandırma;

- materialın oxucu üçün informasiyalılıq səviyyəsi;

- dil və üslub xüsusiyyətləri, bədii-estetik ifadəsi;

- jurnalist obyektivliyi, qərəzsizliyi, tərəfsizliyi və məsuliyyəti;

Müsabiqəyə təqdim olunmuş yazıların mükafatlandırılması:

I yer - 800 manat;

II yer - 600 manat;

III yer - 400 manat;

Həvəsləndirici mükafat - (3 nəfər) hərəyə 200 manat.