“Rəvan” “Qəbələ” ilə oyunun hazırlığına başladı

Azərbaycan Premyer Liqasının 23-ci turunda səfərdə "Qəbələ” ilə qarşılaşacaq "Rəvan” bu oyunun hazırlıqlarına başlayıb. Futbolxeber.az-ın məlumatına görə, dünən “Qarabağ””la qarşılaşan “Rəvan” bazar günü yenidən meydana çıxacağından istirahət etmədən məşqləri davam etdirib. "Bayıl Arena”da baş məqşçi Güvənc Kurtarın rəhbərliyi altında keçirilən hazırlıqda "Qarabağ”la görüşdə start heyətində meydana çıxanlar yüngül məşqlə kifayətlənib. Komandanın digər üzvləri isə tam qrupda məşq edib.

Qeyd edək ki, "Qəbələ” - "Rəvan” oyunu fevralın 23-ü saat 13:00-da başlayacaq və görüş Qəbələ şəhər stadionunda keçiriləcək.