Ölkə futbolu
Axırıncı yoldakı Tahir Süleymanov (YAZI)
Dən-duman çəkilib getdi. Lənkəranda keçirilən növbəti “Böyük oyun”da və onun ətrafında baş verənləri indi daha aydın görmək mümkündü. Ətraf aydınlanınca, ortada yenə birisi görünür. Gündən-günə daha aydın görünən bu kölgəni tanınmamaq mümkünsüz. Tahir Süleymanovu kim tanımır ki?
Süleymanov yenə öz ampluasındadı. Maaş aldığı klub xal itirincə hay-küy salır, faktları təhrif edir, qərəzini gizlədə bilmir, şantaja belə əl atır. Adamın bu bacarığını hətta futboldan məlumatı olmayanlar da yaxşı bilirlər.
Hər “Böyük oyun”dan öncə, matç zamanı və sonra bir para dadsız olaylar yaşanır. Fərq etməz, derbi istər Lənkəranda olsun, istərsə də Bakıda. Sonuncu da istisna deyildi. Oyundan bir gün əvvəl “Neftçi”nin otelin həyətindəki avtobusuna daş atılır, klubun əmlakına ziyan dəyir. Daş pəncərəyə dəyməmiş Tahir Süleymanov bunu vandalizm kimi qələmə verir, az qala BMT Təhlükəsizlik Şurasının təcili toplanmasını tələb edir.
Tamam, rəqibin avtobusunu daşlayana bəraət ola bilməz. Bəs, Azərbaycan kubokunun finalında “Neftçi”nin rəsmisi Güloğlan Cabbarov rəqib oyunçuları şil-küt edəndə, yumruq və təpiklə böyük bir tərbiyəsizliyə imza atanda həmin bu Tahir Süleymanov niyə yaxasına “Vandalizm rəqabət deyil” şüarı asıb qəzet və sayt redaksiyalarını, telekanalları gəzmirdi? Həqiqət carçısı, vicdan mücəssəməsi kimi özünü təqdim edən Süleymanov təkcə “Neftçi”nin deyil, bütün Azərbaycan futbolunun adına ləkə vuran, barəsində cinayət işi açılan həmin şəxslə Albaniyaya uçmağa niyə razılaşır, beləsinin törətdiyi əmələ etiraz etmirdi? Baş vermiş vandalizmə qarşı sinəsini niyə qabağa vermirdi? Hə, yadıma düşdü, Tahir Süleymanov hakim olduğu illərdə yanlış qərarlar üzündən sinəsindən çox zərbə aldığından indi artıq başqa yerini qabağa verir...
Lənkəran stadionunda qatı duman olsa da, Mahir Şükürovu görən az qala hər bir azarkeş onun ünvanına söyüş səsləndirirdi. Təbii ki, bu heç də alqışlanan hərəkət deyil. Azarkeş arenaya kimisə söyməyə yox, futbola baxmağa gəlir. Amma bir məsələ var. Camaat niyə məhz Mahir Şükürovu söyür? Bir zamanlar “Xəzər Lənkəran” formasını geyinən, lakin indi müxtəlif klublarda top qovan xeyli futbolçu var. Götürək elə həmin gün meydanda olan Denis Silvanı. Braziliyalı da əvvəllər “ağ-yaşıl” forma geyinirdi. Əzəli rəqibin heyətinə keçəndən dəfələrlə “Fırtınalar meydanı”nda oyuna çıxıb. Bəs niyə lənkəranlı azarkeşlər Denisi bir dəfə də söyməyiblər, yoldaş Süleymanov? Cənublu fanatlar “ağ-qaralar”ın heyətindəki Tərlan Quliyevin, Cavid İmamverdiyevin, törətdiyi yol qəzasında insan ölümünə bais olan Araz Abdullayevin ünvanına niyə söyüş yağdırmırlar?
Bu mövsüm əzəli rəqiblərin Bakıda, 8-ci kilometr tərəflərdə keçirilən oyunu yəqin ki, Süleymanovun yadında qalıb. Qarşılaşmanın əvvəlində “Neftçi”nin kapitanı Rəşad Sadiqovun “Xəzər Lənkəran”ın baş məşqçisi, dünya futbolunda ad qoymuş Con Toşaka necə söyüş söydüyünü hamı eşitdi. Hamıya əxlaq dərsi keçən Tahir Süleymanov kapitanın bu tərbiyəsizliyinə niyə etiraz bildirmədi? Deyəsən, əxlaq məsələsi, mentalitet, böyük-kiçik yeri bilmək ancaq Lənkərana gələndə Tahir müəllimin yadına düşür.
Keçmiş FİFA referesi elə həmin oyunda “Neftçi”nin oyundankənar vəziyyətdən qol vurduğunu niyə bir dəfə də etiraf etməyib? Söhbəti hakimlik məsələsinə nahaqdan gətirmədim. Klubu xal itirən kimi Tahir əfəndi hakim qərəzindən danışır. Hər dəfə də sözündən belə çıxır ki, Azərbaycanda futboldan sorumlu bəzi şəxslər “Neftçi”nin çempion olmasına mane olurlar. Bunun üçün az qala Nikaraqua Milli Cəbhəsi, Zimbabve Azadlıq Hərəkatı və Cibuti Evsiz Sənayeçilər Dərnəyi ilə əlbir olublar. Tahir müəllim, “Neftçi”nin hansı rəsmilərin və hakimlərin köməyi ilə müxtəlif illərdə necə çempion olduğunu Nikaraquada, Zimbabvedə və Cibutidə yaşayanlar eşitməsə də, bizim azarkeşlər yaxşı bilirlər.
Yenə qayıdaq hakim məsələsinə. Tahir Süleymanovun maaş aldığı klub azarkeşlərə son “Böyük oyun”da hakim səhvlərini guya ifşa edən video-çarx təqdim edib. Materialın əvvəlində kadrda “Fırtınalar meydanı” görünür və titrdə Mahir Şükürovun təhqir olunduğu yazılır. Başa düşmürəm, bu kadrın hakim səhvinə nə dəxli? Süleymanov hakim maaşı aldığı illərdə də stadionlarda söyüşün biri təqribən bir qəpiyə idi. Görəsən, Tahir əfəndi azarkeşlərin söyüş söydüyü neçə matçı yarımçıq saxlayıb və ya neçə azarkeşə qırmızı vərəqə göstərib? Lütfən, statistikanı klubunun saytında yerləşdirə bilərmi?
Tahir müəllim son açıqlamalarında AFFA rəhbərliyini Lənkərandakı “Böyük oyun”a getməməkdə qınayır. Hətta konkret adlar da çəkir. Bəli, “Neftçi” də daxil olmaqla bir neçə kluba eyni cibdən pul ayıran AFFA həmin oyunda rəhbərlik səviyyəsində təmsil olunmalı idi. Amma və lakin Süleymanov niyə AFFA prezidenti Rövnəq Abdullayevin adını çəkmir? Hə, tamam unutmuşdum, xatırladım. Ötənlərdə birisi AFFA başqanının adını lazımsız yerə hallandırmışdı, axırı nə oldu? Müsahibədən sonra aftafanı ona həvalə etmədilər.
Çən-duman çəkilib gedən məmləkətimizin hər bölgəsi, rayonu, kəndi gözəldi. Bütün Azərbaycanda olduğu kimi, Lənkəranda da böyük-kiçiyə hörmət, ehtiram var. Xoş niyyətlə gələn qonağın üzünə hər bir qapı açıqdı. Lənkəranlılarda yaxşı bir ifadə var, aranı qarışdıran, haqsızlıq edən, şər atan adam haqqında deyirlər ki, filankəs özünü lap axırıncı yola qoyub.
Futbol idmanın şahıdı. Sənin çalışdığın klub çempion da ola bilər, axırıncı yerdə də gedə bilər. Əsas odur ki, insan axırıncı yolda olmasın...
Etibar CƏBRAYILOĞLU, “Het-trik news”
bizim futbol bele bunlara gore duzelmir ireli getmir de Turan 2-3 Neftci qarwilsmsinda fasilede 2-0 olarken hakimleri ve turanin 4 futbolcusu ile daniwib oyunu almiwdilar en boyuk futbol duwmenidi o ermeni di
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
- Təmkin Xəlilzadə: “Hazırkı Premyer Liqada çoxundan yaxşı oynayaram”
-
21:59
"Neftçi" qapısında 5 qol gördü VİDEO
-
21:20
“Sumqayıt” üçün son dəqiqə şoku, “Neftçi” darmadağın oldu
-
19:18
"Sumqayıt" qələbəni əldən verdi VİDEO
-
17:25
Millimiz Belarusa məğlub oldu
-
17:02
Azərbaycan və Kuba Gimnastika Federasiyaları arasında anlaşma memorandumu imzalanıb
-
16:39
Azərbaycan şahmatçısı Sloveniyada qızıl medal qazanıb
-
16:16
Stolüstü tennis üzrə Azərbaycan birinciliyinin mükafatçıları müəyyənləşib
-
15:57
Fərid Qayıbov beynəlxalq yarışlarda uğur qazanan idmançılarla görüşüb
-
12:31
Azərbaycanın bədii gimnastika millisi Avropa Kubokunda bürünc medal qazanıb
-
12:08
“Qəbələ”nin sabiq baş məşqçisi Renat Dadaşovun klubunda
-
11:52
Tələbə Liqasına yekun vurulub, qaliblər mükafatlandırılıb
-
10:45
"Atletik"dən 2 qol, 2 qırmızı vərəqə VİDEO
-
10:29
"Leypsiq" qələbəni əldən verdi VİDEO
-
10:14
Ozan Canın komandası xalsız qaldı
-
10:00
"Beşiktaş" sonda sevindi VİDEO
-
23:31
Azərbaycanın daha bir gimnastı finala yüksəlib
-
22:15
"Araz-Naxçıvan"ın iki futbolçusu məşqləri bərpa etdi
-
21:43
Azərbaycan Basketbol Liqası: "Sərhədçi" ümumi hesabı bərabərləşdirdi
-
21:30
"Prezident Kuboku - 2024" beynəlxalq reqatasının bağlanış mərasimi keçirilib
-
21:22
Azərbaycan və Monteneqro Gimnastika Federasiyaları arasında anlaşma memorandumu imzalanıb
-
17:59
33-cü turun hakim təyinatları
-
17:07
Azərbaycanı Olimpiya Təsnifat turnirində 9 güləşçi təmsil edəcək
-
16:41
U-17 və U-19 millilərimizin rəqibləri bəlli oldu
-
15:32
Zöhrə Ağamirova Avropa Kubokunda finala yüksəlib
-
15:26
Azərbaycan avarçəkənləri "Prezident Kuboku"nu 9 medalla başa vurublar
-
15:18
Bakıda Avropa çempionatı keçiriləcək
-
15:05
Bakıda məhəllələrarası minifutbol turnirinə yekun vurulub
-
14:53
“Böyük Dəbilqə”: Azərbaycan cüdoçularından uğursuz çıxış
-
14:11
Fərid Qayıbov: “Avarçəkmənin daha yüksək səviyyədə inkişafı üçün əlimizdən gələni edəcəyik”
-
13:34
Rəqibi təpiklə vuran futbolçunun cəzası açıqlandı
-
13:26
AFFA öz futbolçularını təhqir edən baş məşqçini cəzalandırdı
-
13:10
“Turan Tovuz”un müdafiəçisi 4 oyunluq cəzalandırıldı
-
12:47
Bakıda keçirilən atıcılıq üzrə Dünya Kubokunda ilk qaliblər müəyyənləşib
-
12:22
“Baku Open 2024” beynəlxalq şahmat festivalı keçiriləcək
-
12:04
Azərbaycan Kubokunun final oyununa təyinatlar açıqlanıb
-
11:39
Millimizin baş məşqçisi məğlubiyyəti şərh etdi
-
11:16
"Prezident Kuboku-2024": Azərbaycan avarçəkənləri növbəti medalı qazanıblar
-
10:51
I Liqanı tərk edəcək komanda müəyyənləşib
-
10:28
Azərbaycan birinciliyinin final oyunlarının vaxtı müəyyənləşib
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:44
Bakıda bədii gimnastika üzrə Avropa Kubokunun açılış mərasimi olub
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb