“Rəvan” “Qarabağ”la oyunun hazırlıqlarını davam etdirir

Azərbaycan Premyer Liqasının 22-ci turunda "Qarabağ”la qarşılaşacaq "Rəvan” bu oyunun hazırlıqlarını davam etdirir. Futbolxeber.az-ın klubun rəsmi saytına istinadən verdiyi məlumata görə, "Bayıl Arena”da çalışmalarını davam etdirən komanda həftəiçi keçiriləcək qarşılaşmaya hazırlaşır.

Baş məqşçi Güvənc Kurtarın rəhbərliyi altında keçirilən məşqlərdə “Rəvan”ın bütün üzvləri iştirak edir. Hüseyn Axundovun cəzasını başa vurması məşqçilər korpusunu sevindirir. Sevindirici məqam həm də Aqil Nəbiyevin sağalması və Tofiq Mikayılovun artıq komanda ilə birgə tam məşqlərə başlamasıdır.

Qeyd edək ki, "Rəvan” – "Qarabağ” oyunu fevralın 19-u saat 17:00-da başlayacaq. "Bayıl” stadionunda keçiriləcək qarşılaşma "İdman Azərbaycan” telekanalı vasitəsilə canlı yayımlanacaq.