Hacıyev: “Vurmayana vurarlar”

“Vurmayana vurarlar. Platye öz şansını dəyərləndirsəydi, problemimiz olmazdı. Müdafiə xəttində itkilərimiz var idi. Kardosa, Bertuççi və Şükürov bizim üçün vacib oyunçulardı. Eləcə də Nfor öz mövqeyində oynamırdı”. Futbolxeber.az-ın məlumatına görə, bu sözləri “Bakı” ilə oyundan (0:2) sonra “Neftçi”nin baş məşqçisi Böyükağa Hacıyev deyib.

B.Hacıyev üstünlüyün komandasının tərəfində olduğunu bildirib: “İkinci hissədə köməkçilərimə dedim ki, qapımızda qol görəcəyik. Nasimovu meydana buraxsam da, heç nəylə yadda qalmadı. Təəssüf ki, Kanales yoxdur. O, yaxaladığı imkanları dəyərləndirərdi. Bugünkü oyunda üstünlük tərəfimizdə olsa da, bundan faydala bilmədik”.