Nazim Süleymanov: "Futbolçu klubun və onun rəhbərliyinin simasıdır"

“Neftçi”nin sabiq baş məşqçisi Nazim Süleymanov azerisport.az saytına müsahibə verib. Həmin müsahibəni təqdim edirik:

- Nə ilə məşğulsunuz, təkliflər varmı?

- Hələlik təkliflər yoxdur. İstirahət edirəm. Yerli futbolu izləyirəm. Son turda AZAL - “Sumqayıt” oyununda (2:2) idim.

- Maraqlı nə yadda qaldı?

- Gördüklərimdən heç nə.

- Məsələn, “Qəbələ”nin ardıcıl üçüncü dəfə “Qarabağ”a məğlub olacağını gözləyirdiniz?

- Əgər bir komanda gücünə əmindirsə və qələbə qazanmağı daha çox istəyirsə, bu halda, daha çox qələbə qazanmaq olar. Ağdamlılar hazırda güclüdürlər və onlar bunu hər oyunda sübut edirlər.

- “Böyük oyun”un hadislərini izləyirdiniz?

- Demək, digər oyunları indi balaca oyunlar adlandırmaq olar? Başqalarının fikirlərinə hörmətlə yanaşıram, ancaq “Böyük oyun”da böyük xallar verirlər?

- Yaxşı, “Xəzər Lənkəran” - “Neftçi” oyununu (2:2) izləyirdiniz?

- Oyun televiziya ilə göstərilmədiyindən, yalnız İnternet-saytlar vasitəsi ilə yayımlandığından, qollar və epizodları gördük.

- Hansı təəssüratı oyatdı?

- Futbol 90 dəqiqə oynanılır və hamı bunu anlamalıdır. Sona qədər oynamaq lazımdır. Düşünmürəm ki, bu “dəmir qayda” haqda bakılılar unutmuşdular. Yəqin, sonda onlarda nə isə alınmadı. Axı 85 dəqiqə onlar hesabda irəli idilər. Ancaq Mustafa Dənizlinin yetirmələrinə layiq olduqlarını vermək lazımdır.

- Mahir Şükürovun jest haqda nə deyə bilərsiniz? Bunu görmüşdünüz?

- Belə şeyi necə görməyəsən? Son günlər yalnız bundan yazır və danışırlar. Heç bir futbolçuya belə şey yaraşmır. Futbolçu klubun və onun rəhbərliyinin simasıdır. Belə şeylər yolverilməzdir.

- Qarşıda “Bakı” - “Neftçi” oyunu var. Qonaqların müdafiəsində dörd itki var: Mahir Şükürov, Bruno Bertuççi, Tərlan Quliyev və Karlos Kardoso. Siz bu komandanı yaxşı tanıyırsınız. Onlar bu görüşdə rəqibə layiqli müqavimət göstərə biləcək?

- İtkiləri əvəz etmək üçün onların kifayət qədər oyunçusu var. “Neftçi” dörd müdafiəçidən ibarət deyil. Məsələ ancaq ondadır ki, onlar rəqibə qarşı necə oynayacaqlar. Hər halda, “Bakı”ya qarşı oynamaq komandaya çətin olacaq. Axı rəqib bir qayda olaraq, artırıb.

- İlin əvvəlindən liderlər qrupunun hər üç komandası xallar itirdi. Onların yaxın izləyiciləri “İnter” və “Bakı” isə əksinə, son iki turda mütləq xallar topladılar. Bu, nə haqdasa deyir?

- Mən əvvəlcədən deyirdim ki, liderlər qrupuna arxayınlaşmaq olmaz. Yaxın turlarda liderlər qrupunda yeni komandaların peyda olacağı istisna deyil. Qarşıda bizi maraqlı mübarizə gözləyir.