Dadaşov Ukrayna klubunda

Azərbaycan millisinin hücumçusu Renat Dadaşovun yeni klubu bəlli olub.

Futbolxeber.az saytının məlumatına görə, 27 yaşlı futbolçu “Bukovina”ya keçib. Bu barədə Ukrayna klubunun mətbuat xidməti açıqlama yayıb.

Premyer Liqa təmsilçisi Dadaşovla 1+1 illik müqavilə imzalayıb. O, yeni komandasında 9 nömrli forma ilə oynayacaq.

Qeyd edək ki, son olaraq Polşada "Motor" klubunda çıxış edən Renat karyerası ərzində Portuqaliyanın “Eştoril”, “Pasuş de Ferreyra”, “Tondela”, İsveçrənin “Qrashoppers”, İngiltərənin “Vulverhempton”, Türkiyənin “Hatayspor” və “Ankaragücü” klublarında da oynayıb.