"Riad Rəfiyevi xüsusi qeyd etmək istərdim, o, məni tapdı və Azərbaycana gətirdi”

“Sabah”ın və milli komandamızın yarımmüdafiəçisi Aleksey İsayev Azərbaycana gəlişindən danışıb.

Futbolxeber.az saytının məlumatına görə, odds.ru-ya müsahibəsində təcrübəli futbolçu ölkəmizdə ilk çıxış etdiyi “Sumqayıt”ın prezidenti Riad Rəfiyevin əməyini xüsusi qeyd edib:

“Biz “Yenisey”lə Premyer Liqaya yüksəldik. Lakin komandanın böyük hissəsini heyətdə saxlamadılar. Düşünürəm ki, klubun yetirməsi kimi “Yenisey”in Premyer Liqaya yüksəlməsində rolum var idi. Mənim kimi bir gənc üçün klubun qərarı böyük zərbə idi. Beləcə, nə “Zenit” məni saxladı, nə “Yenisey”...

Riad Rəfiyevi xüsusi qeyd etmək və ona təşəkkür etmək istərdim. O, məni tapdı və Azərbaycana gətirdi. Rəfiyev “Sumqayıt”ın prezidentidir. O, mənə zəng vurdu, əvvəlcə inanmadım. Elə bildim azərbaycanlı dostlarımdır, mənimlə zarafat edirlər. Rəfiyev zəng vurdu və dedi: “Bakıya gələrsən”? Mən isə cavab verdim: “Nə Bakı? Dostlar, zarafat edirsiniz? Kimdir danışan? Düzünü deyin”. O isə telefonda güldü və dedi: “Səni narahat edən Azərbaycan klubunun prezidentidir. Dostların deyil”. Mən isə cavab verdim: “Əgər sizi düz deyirsinizsə, onda sabah səhər məni yığarsız”. Ertəsi gün o, səhər 7-də mənə zəng vurdu və Bakıya gəlməyimi istədi. Açığı, bir qədər narahatçılığım var idi. Hara gedirəm, necə gedirəm. Başqa ölkəyə, başqa çempionata gedirəm. Lakin mən risk etdim, gəldim və risk özünü doğrultdu. Bir ömür boyu Azərbaycana borcluyam. Futbolda nə qazanmışamsa, bura borcluyam. Bura mənim ikinci evimdir. Övladlarım burada böyüyürlər”.