“Turan Tovuz”dan haqlı etiraz: Qol VAR idimi?

“Turan Tovuz” bu gün “Şamaxı” ilə Azərbaycan Premyer Liqasının 2-ci tur matçındakı (0:0) hakimin bir epizodla bağlı qərarına etiraz edib.

Futbolxeber.az saytının məlumatına görə, klub yaydığı videoya bu sözləri yazıb:

“Stadionda olan 4800 azarkeşin, ekranlar qarşısında minlərlə  tamaşaçının gördüyünü baş hakim görmədi.

AFFA Hakimlər Komitəsinin sədri Rəhim Həsənovun epizodla bağlı şərhini səbirsizliklə gözləyirik. Hər zaman qeyd etdiyimiz kimi, təmiz futbol, ədalətli qərarlar tələb edirik!”

Qeyd edək ki, matçın baş hakimi Rauf Cabarov, VAR hakimi isə Vüqar Həsənli olub.