Valdas Dambrauskas: “Sabah tarix yazmaq istəyirik”

“Futbolçular oyuna hazırdırlar. Heç bir problemimiz yoxdur. İstəyirik ki, sabah tarix yazaq və Azərbaycan xalqını sevindirək”.

Futbolxeber.az saytının bu sözləri "Sabah"ın baş məşqçisi Valdas Dambrauskas sabah UEFA Çempionlar Liqasının III təsnifat mərhələsində "Orxus"a qarşı keçirəcəkləri cavab oyunu barədə danışarkən deyib.

Oyunöncəsi mətbuat konfransında jurnalistlərin suallarını cavablandıran litvalı mütəxəssis məğlubiyyətə baxmayaraq, ilk matçda yaxşı futbol sərgilədiklərini bildirib: “Orxus” elə komandadır ki, qol epizodlarını az yaratsa da, onları reallaşdırmağı bacarır. Danimarkada müəyyən səhvlər etdik. Hansı tərəf xırda detalları daha yaxşı təhlil etsə, həmin kollektiv də növbəti raunda yüksələcək”.

Qeyd edək ki, avqustun 11-də “Bank Respublika Arena”da keçiriləcək “Sabah” - “Orxus” görüşü saat 20:00-da start götürəcək. Danimarkada keçirilmiş ilk matçda meydan sahibləri 2:1 hesablı qələbə qazanıblar.