Kostyuk: “Qarabağ” yaxşı müdafiə olunur”

Kiyev “Dinamo”sunun baş məşqçisi İqor Kostyuk Ukrayna Premyer Liqasının 2-ci turunda “Veres” üzərində qazanılan 2:1 hesablı səfər qələbəsini şərh edib.

Futbolxeber.az-ın klubun saytına istinadən verdiyi məlumata görə, mütəxəssis matçdan sonra komandasının hücumdakı oyunu, sıx təqvim və müdafiə xəttindəki rotasiya barədə danışıb.

Qeyd edək ki, bu, “Dinamo”nun 2026/27 mövsümü Ukrayna Premyer Liqasında ilk matçı olub. Komandanı bu həftə Bakıda isə “Qarabağ”la UEFA Konfrans Liqasının 3-cü təsnifat mərhələsinin cavab oyunu gözləyir:

“Hücumda zəif oynadığımızı deməzdim. Sadəcə, qol imkanlarından istifadə edə bilmirik. Görürsünüz ki, müxtəlif futbolçu kombinasiyalarından istifadə edirik. Təəssüf ki, öz qollarımızı vura bilmirik. Bugünkü oyuna qədər yaxşı müdafiə olunan rəqiblərlə qarşılaşmışdıq. Bu, həm PAOK-a, həm də “Qarabağ”a aiddir. Ona görə də hər şey sizin dediyiniz kimi deyil”.

O, heyətdə rotasiya etdiyini bildirib: “Əsas məsələ bərpa və növbəti oyuna hazırlıqdır. Komandanı bərpa etməli, qarşıdakı matça hazırlamalı, rəqibi və əvvəlki oyunlardakı öz hərəkətlərimizi təhlil etməliyik. Gördünüz ki, bu gün böyük rotasiya etdik. Konfrans Liqasında “Qarabağ”a qarşı oynamayan futbolçulara daha çox oyun vaxtı verdik. Bu gün onlar daha təravətli idilər. Amma bir daha vurğulayıram ki, tərəfimizdən çoxlu lazımsız top itkiləri oldu”.