Konfrans Liqası: “Qarabağ”ın potensial rəqibləri azaldı

Bu gün UEFA Konfrans Liqasında pley-off mərhələsinin püşkatma mərasimi keçiriləcək.

Futbolxeber.az saytının məlumatına görə, İsveçrənin Nyon şəhərində təşkil olunacaq tədbir Bakı vaxtı ilə saat 16:00-da başlayacaq.

Püşkatmada “Dinamo” (Kiyev, Ukrayna) - “Qarabağ” (Azərbaycan) cütünün qalibinin də rəqibi müəyyənləşəcək. Ağdam təmsilçisinin yüksək reytinqi səbəbindən bu cütlük səpələnmişlər səbətində yer alacaq. Artıq UEFA mümkün rəqiblərin sayını azaldıb.  Rəqib səpələnməmişlər səbətindəki bu komandalardan biri olacaq:

“Hetafe” (İspaniya)

“Tvente” (Niderland) - DAC 1904 (Slovakiya) cütünün qalibi

“Beytar” (İsrail) - “Austriya” (Vyana, Avstriya) cütünün qalibi

Avroliqanın "Makkabi” (Tel-Əviv, İsrail) - ÇSKA (Sofiya, Bolqarıstan) cütünün məğlubu

Qeyd edək ki, Konfrans Liqasının pley-off mərhələsinin ilk oyunları avqustun 20-də, cavab görüşləri isə 27 avqustda keçiriləcək.