Pantiç: “Kim deyə bilər ki, biz asan qələbə qazanacağıq?!”

“Allaha şükr ki, 3-cü dövrəyə yaxşı başladıq. Qarşıdakı yol necədisə, elə də mübarizəni davam etdirməliyik”. Futbolxeber.az-ın məlumatına görə, bu sözləri “Bakı”nın baş məşqçisi Milinko Pantiç deyib.

Klubun rəsmi saytına danışan Pantiç Azərbaycan Premyer Liqasının XX turu çərçivəsində “Simurq”a qarşı keçirəcəkləri oyunla bağlı fikirlərini açıqlayıb: “Simurq”u bərk, möhkəm oyun göstərən komanda kimi xarakterizə edirəm və ev komandası sayılan bir kollektivə qarşı döyüşəcəyimizi bilirəm. Belədə kim deyə bilər ki, biz asan qələbə qazanacağıq?! “Simurq”un evdə yaxşı oynaması məni çox narahat edir. Qış fasiləsində “Bakı”ya yeni oyunçuların alınmamasına gəlincə, artıq bir hücumçu ilə ilkin razılıq əldə olunub. O gələn həftə düşərgəyə təşrif buyuracaq. Ancaq rəsmi müqavilə bağlanmadan onun adını açıqlaya bilmərəm. Nəticədə qış fasiləsində komandanı tərk edən Mindauqas Kalonasın yeri dolmuş olacaq”.