“Qarabağ”dan “Şahdağ Qusar”a keçdi

“Şahdağ Qusar” növbəti mövsüm üçün transfer çalışmalarını davam etdirir.

Futbolxeber.az saytının məlumatına görə, bölgə təmsilçisi “Qarabağ”dan Mahmud Ağayevi transfer edib. 22 yaşlı yarımmüdafiəçi ilə 1 illik sözləşmə imzalanıb.

Qeyd edək ki, Mahmud 19 yaşadək futbolçulardan ibarət milli komandanın da üzvü olub.

Xatırladaq ki, "Şahdağ Qusar" daha öncə Elməddin Sultanov, Urfan İsmayılov, Ravil Qafarov, Fəxri Məmmədli, Gülağa Əsədov, Mehrac Baxşalı, Vüqar Həsənov, Seymur Məmmədov və Həzrət İsayevi heyətinə qatıb.