Adrian Pit Lənkərana göndərildi

Azərbaycan Premyer Liqasının XX turu çərçivəsində öz meydanında “Neftçi”ni qəbul edəcək “Xəzər Lənkəran”, qarşıdakı matça itkilərlə çıxacaq. Futbolxeber.az-ın məlumatına görə, Lənkəran təmsilçisinin üzvü Adrian Pit “Neftçi” ilə oyunda forma geyməyəcək. Rumın futbolçu hazırda zədədən əziyyət çəkir. Onun “Neftçi”yə qarşı oynayamayağı dəqiqdir. Bu səbəbdən də rumın futbolçu artıq hazırda Bakıda məşqlərini davam etdirən komandanın heyətindən kənarda qalıb. Məşqçilər korpusu Piti Lənkərana göndərib.

Pitdən fərqli olaraq Elnur Abdullayev “Neftçi” ilə görüşü cəzalı olduğuna görə buraxacaq.

“Xəzər Lənkəran”ın digər zədədən əziyyət çəkən futbolçusu Zoahir Benuahinin isə durumu qeyri-müəyyəndir. Onun “Neftçi” ilə matçda meydana çıxıb-çıxmayacağı hələ bəlli deyil.