“Məğlubiyyətlə yaşamaq düzgün deyil”

“Qəbələ” cari mövsüm olduqca xoş təsir bağışlayır. Hazırki mövqedə qərarlaşmaları heç də təsadüfi deyil. Qışda etdikləri transferlərlə də gücləniblər”. Futbolxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.

Klubun rəsmi saytına Azərbaycan Premyer Liqasının XX turu çərçivəsində “Qəbələ”yə qarşı baş tutacaq oyun haqda danışan təcrübəli mütəxəssis görüşün çətin keçəcəyini qeyd edib: “Çempionatın ilk yarısındakı qazandığımız qələbələr hazırda bizə bir şey vermir. Təbii ki, hazırda rəqibimiz ilk 2 oyunu unutmayıb. Daha yaxşı və fərqli hazırlaşacaqlar. Eyniylə, “Xəzər Lənkəran”la oyunu da artıq unutmuşuq. Daha doğrusu, məğlubiyyətlə yaşamaq düzgün deyil. Qarşıda daha 17 oyun var. Bizi olduqca ağır matç gözləyir. Eyni zamanda azarkeşlərin maraqlı futbol izləyəcəyini də söyləmək olar. “Xəzər Lənkəran”la oyunda qol epizodlarının boşa verilməsi futbolçularda üzgünlük yarada bilər amma ruh düşkünlüyünə səbəb ola bilməz. Qeyd etdiyimiz kimi qarşıda hələ uzun bir marafon var.  Qarşıdakı oyunlara motivasiya olmaq lazımdır”.