“Neftçi” növbəti səs-küylü transferə hazırlaşır

“Neftçi” növbəti səs-küylü transferə hazırlaşır.

Futbolxeber.az saytının məlumatına görə, “ağ-qaralar” tanınmış futbolçu Endryü Qraviyonu transfer edir. 28 yaşlı mərkəz müdafiəçisi bu günlərdə Bakıya gələcək. O, tibbi müayinədən uğurla keçdikdəmn sonra “Neftçi” ilə rəsmi müqavilə imzalayacaq.

Qeyd edək ki, Milan “İnter”inin yetirməsi olan Endryü Qraviyon İtaliyada “Benevento”, “Peskara”, “Sassuolo”, “Askoli”, “Torino” kimi klublarda çıxış edib. Qvadelupalı müdafiəçi Fransa və Türkiyədə də legioner həyatı yaşama imkan tapıb. O, “Loryan”, “Reyms” və “Adana Demirspor”da forma geyib. Qraviyonun son klubu isə “Peskara” olub. 28 yaşlı futbolçu son mövsüm İtaliya B seriyasında 24 matçda meydana çıxıb. O, 2021-ci ildən dəvət aldığı Qvadelupa millisində 15 oyunda 2 qol vurub.